பாரியன்பன் நாகராஜன்

புதிர்

நானொரு கதை 

சொல்லத் தொடங்குகிறேன்.

சருகுகளையும் பூக்களையும் 

உதிர்த்து ஆவலாய் 

கதை கேட்கத் தொடங்குகிறது

மரம்.

 

கதையின் முடிவில் 

நல்லதொரு திருப்பமாய்

முடிச்சொன்றை வைத்து

புதிர்ப்போடுகிறேன்.

அதுவரை இல்லாத 

பெரும் புதிராய் ஒரு கிளையை 

முறித்துக் கொள்கிறது 

மரம்.

 

அத்துடன் கதையை 

நிறுத்திக் கொள்கிறேன்.

பெருமுடிச்சை அவிழ்த்து

முடிவு தெரிந்திடாத மரம்

பின்பொருநாள் ஒரு மழைக்காலத்தில்

அடைமழையிடம் என் கதையை

விடைகண்டறிய

சொல்லியிருக்கும் போல...

 

விடை தெரியாத அடைமழை

ஆற்றின் வழியே

கரைப் புரண்டோடும் 

வெள்ளத்தில் என்னைக் 

கொண்டு சேர்த்தது

கடலினிடத்தில்.

 

அவ்வமயம் விடைதெரியாத

மரத்தின் ஒரு முறிந்த கிளையும்

விடைதெரிந்த நானும்

எல்லாமும் தெரிந்து 

வைத்திருக்கும் பெருங்கடலில் 

கட்டுமரங்களாய்

மிதந்துக் கொண்டிருக்கிறோம்.

                                      - பாரியன்பன் நாகராஜன்   குடியாத்தம் 

பிப்ரவரி மாத வானவில் இதழில் இடம் பெற்ற கவிதை

Comments

Post a Comment

Popular posts from this blog

Image
  இசை என்னும் இன்ப வெள்ளம் நேர்காணல்  :   தா . தெய்வானை உதவி :  இரா . பவித்திரா   கேள்வி : வணக்கம் தியாகராஜன் இந்த மடத்துக்குளம் பகுதியி ல் தம்பதியாய் இசைப்பயணம் நீங்கள் மட்டும்தான் . அதைப்பற்றி கொஞ்சம் சொல்லுங்களேன் . பதில் : நான் மடத்துக்குளம் அரசு மேல்நி லைப்பள்ளி யில் எட்டாம் வகுப்பு வரை படித்தேன்   நாதசுர ஈடு பாட்டால்   சின்னச் சின்னக் கச்சேரிகளுக்கு   உதவியாளராகப் போய் வந்தேன் பின்பு கரூரில் உள்ள அரசு இசைப்பள்ளியில்   மூன்று ஆண்டு கள் டிப்ளமா   எனும் பட்டயப்படிப்பு படித்து முறையான அரசு சான்றிதழ் பெற்று   வெளியில் வந்தேன் . பின்பு   அனுபவம் மிக்க கலைஞர் களுடன் சிலவருடங்கள்   வாசித்தேன்   பின்பு அறிமுகம் ஆக ஆக   நான் கச்சேரி செய்ய ஆரம்பித்தேன் கேள்வி :      தனியாகக் கச்சேரி ஒப்பந்தம் செய்தால் உங்களுக்குத் துணையாக யாரை அழைப்பீர்கள் ? பதில் :     என் உறவினர்கள் என்னுடன் படித்த சக மாணவர்     இவர்களை வெளியூரில்   இருந்து அழைத்துக் கொள்வேன்   க...
Read more
Image
  கவிஞர் இளையவன் சிவா முக நூலில் எழுதிய நூல் அறிமுகம் உயிருக்குள் தாகம்   தேவயானி     /   கவிதைத் தொகுப்பு   /   வெளியீடு செம்மை உடுமலை   முதல் பதிவு செப்டம்பர் 2011  /   இரண்டாம் பதிப்பு ஜனவரி 2024  /   பக்கம் 80  /    விலை ரூ 80   வளைக்கரங்கள் வாழ்வை நேசிக்கத் துவங்கினால் கலையின் வழியே காட்சிகள் புலப்பட்டு அலையின் முயற்சி என கவிதைகள் விளைந்து மனதினை நிறைக்கும்.   மொழியின் மீதான நேசத்தின் நீட்சியில்   உலகின் வழிகளை ஒருங்கிணைத்து இயற்கையின் வளங்களை பாதுகாக்கும் எண்ணத்தை விதைக்கும் நேசச் சொற்களின் அணிவகுப்பில் வந்து விழுகின்றன வார்த்தை அருவிகள்.            தமிழ் மீதான தணியாத காதலை தன்னம்பிக்கை நிறைத்து தரணியை ஆண்டிட இன்னொரு பிறப்பெடுக்க வைக்கும் ஆசையின் தூண்டலை இல்லறத்தை நல்லறமாக்கிடத் துடிக்கும் இளமையின் எண்ணங்களை நாளும் பொழுதும் நிம்மதி கூட்டும் நிலாவின் முற்றத்தை தன்னை வளர்த்தெடுத்த நதியின் வாழ்க்கைப் போக்கை இயற்கை மீதான நேசத்தை என உயிருக்குள...
Read more
இளையவன் சிவா கவிதை 1 எரியும் கூட்டுக்குள் சிசுக்கள் கதறிட கருகும் வீடெங்கும் கதறல் நீண்டுவர தப்பாத இலக்குகளில் குண்டு மழை பெருக பறவைகளின் வழித்தடத்தில் ஏவுகணைகள் திசை நிரப்ப காணும் உயிர்களையே மண்ணும் புழுவெனவே துப்பாக்கிகள் தோள் உயர்த்த நிலையற்றதில் நிலைத்திட்ட மரணத்தைக் கண்ணுறா பேராசை மனதில் பெருமூச்சுக்கும் வழியற்று பிதற்றவும் முடியாமல் சுருண்டு விடுகிறது மனிதம் 2 அனுபவங்கள் தீட்டித் தீட்டி அகமெலாம் ஒளிவீசிட நில்லாத வாழ்வின் பாடம் நடத்திடும் தேர்வின் வழியே பாதைகள் திறந்திடும்போதும் பயணங்கள் தொடர்ந்திடும்போதும் ஆசையின் ஊஞ்சலிலே ஆடிடும் எண்ணமதை ஏடென்றும் எழுத்தென்றும் வடித்திடும் காவியத்தில் நிலைத்திடட்டும் நேசமும் நிம்மதியும் . இளையவன் சிவா வானவில் மின் இதழ் பிப்ரவரி 2024  இதழில் இடம்பெற்ற கவிதை
Read more